Plantun de Prouvènço

Pèr coumpara dos planto d'encò nostre

Ruta montana & Erodium moschatum

Rudo-de-la-fino

Ruta montana

Rutaceae

Àutri noum : Bono-rudo, Rulo, Ruèlo.

Nom en français : Rue des montagnes.

Descripcioun :
Aquelo rudo-de-la-fino, o bono-rudo, porto pas trop bèn soun noum scientifi que vèn pas dins li mountagno. S'atrobo dins li tepiero seco e li roucaio de plano e de colo. Se destrìo de la rudo Ruta angustifolia, mai coumuno, emé soun port. Fai de ramo de flour proun tipico. I'a pas peréu de petalo franjado.

Usanço :
Coume si cousino Ruta graveolens e Ruta chalepensis qu'èron cultivado à passa tèms, la rudo-de-la-fino a d'ùnis usanço interessanto. Pèr sougna li plago e li mau de gengivo, contro li verme e pèr faire veni li règlo (de pas prendre encò di femo empregnado).

Port : Pichoto planto lignouso
Taio : Pancaro entresigna
Fueio : coumpausado
Tipe bioulougico : Pancaro entresigna
Cicle bioulougico : Pancaro entresigna

Gènre : Ruta
Famiho : Rutaceae

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Roucaio
Estànci : Pancaro entresigna
Couroulougi : Pancaro entresigna
Ref. sc. : Ruta montana (L.) L., 1756

Aguïeto(-muscado)

Erodium moschatum

Geraniaceae

Àutri noum : Aguïo, Aguïoun.

Noms en français : Bec-de-grue musqué, Erodium musqué.

Descripcioun :
Aquesto aguïeto de l'an trachis dins lis ermas sus sòu séusous. Sèmblo proun à Erodium cicutarium, mai en pu gros, pu pelous e glandoulous. La planto sènt proun lou musc quouro fai caud. La rego à la baso dóu bè èi pulèu un pau grando (fotò).

Usanço :
Li fueio soun manjadisso cruso o cuecho. Es uno planto astringènto e febrifujo.

Port : Erbo
Taio : 15 à 80 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Erodium
Famiho : Geraniaceae

Ordre : Geraniales

Coulour de la flour : Vióuleto
Petalo : 5
Ø (o loungour) flour : Pancaro entresigna
Flourido : Printems

Sòu : Si
Autour basso e auto : 0 à 600 m
Aparado : Noun
Mars à jun

Liò : Ermas - Tepiero - Relarg à jóuinis aubret
Estànci : Termoumediterran à Mesoumediterran
Couroulougi : Mediterrano-Atlantico
Ref. sc. : Erodium moschatum (L.) L'Hér., 1789

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ruta montana & Erodium moschatum

RRR

ges

Coumpara Rudo-de-la-fino emé uno autro planto

Coumpara Aguïeto(-muscado) emé uno autro planto